Lai wa sai March 28, 2014 ya shana yup tung ten 12:30am daram hta Laiza makau Lawa Yang hte Laja Yang lapran Masen Bum kaw du nga ai myen asuya dap nu Tat-M-33 npu na hpyen hpung langai gaw tinang KIA ginjaw makawp maga dap ni shara la nga ai Lawa Yang Hka Hku maga de abram yu wa ai hta tinang KIA ni hkam tawn ai Judy bawm langai kapaw la ai majaw hkala nba hkrum mat ai lam na chye lu ai.Lawa Yang Masen Bum gaw Laiza Muklung hte ni kahtep dik ai KIA shawng lam man langai rai ngai ai, lai wa sai 2013 January shata kaw nna myen asuya dap ni n-gun la ba hte, n'bung li ni hte rai wa gasat zing la kau ai shara rai nga ai. Ya yang KIA shawng lam dap ni hte myen asuya dap ni shada man hkrum ni kahtep dik ai hku nna sin hkat nga ai shara re lam na chye lu ai. Myen asuya dap ni gaw ndai laman KIA dap ni hpe lam amyu myu, ladat amyu myu hku nna lang hte lang jahte tam, gap hkat saw nga ai re lam KIA shawng lam ginra na du salang ni tsun shana wa ai.
By(myu tsaw kasa)
No comments:
Post a Comment