ကချင်ပြည်နယ်မှာ တရုတ်ရေအား လျှပ်စစ်စီမံကိန်း ၂ ခု ပြီးစီး

ကချင်ပြည်နယ်မှာ မြစ်ဆုံစီမံကိန်းအပါအဝင် ရေအား လျှပ်စစ်စီမံကိန်း ၁၄ ခုကို အစိုးရနဲ့ တရုတ်ကုမ္ပဏီ ၃ ခုတို့ အကျိုးတူပူးပေါင်းဆောင်ရွက်နေရာမှာ မြစ်ဆုံ စီမံကိန်းကို ဆိုင်းငံ့ထားပြီးနောက်ပိုင်း လက်ရှိအချိန်ထိ စီမံကိန်း ၂ ခုကို အကောင်အထည်ဖော် ဆောင်ရွက် ခဲ့ပြီးဖြစ်တယ်လို့ သိရပါတယ်။

မြစ်ကြီးနားခရိုင်က ၉၉ မဂ္ဂါဝပ် လျှပ်စစ်ဓါတ်အား ထုတ်နိုင်တဲ့ ချီဖွေငယ်နဲ့ ဗန်းမော်ခရိုင်က ၂၄၀ မဂ္ဂါဝပ်
ထုတ်နိုင်တဲ့ တာပိန် (၁) ရေအားလျှပ်စစ်စီမံကိန်းတွေ ကို အကောင်အထည်ဖော်ဆောင်ရွက်ပြီး ဖြစ်တယ်လို့  ကချင်ပြည်နယ် လျှပ်စစ်နဲ့စက်မှုလက်မှုဝန်ကြီး ဦးစိုင်းမောင်ရွှေက ပြောပါတယ်။

အစိုးရနဲ့ အကျိုးတူပူးပေါင်းဆောင်ရွက်နေတဲ့ တရုတ်ကုမ္ပဏီ ၃ ခုက Yunnan Provincial Investment Holding Group၊ China Power Investment နဲ့ Datang United Hydropower Developing ကုမ္ပဏီတွေ ဖြစ်ပါတယ်။

စီမံကိန်းပြီးစီးခဲ့တဲ့ ချီဖွေငယ်စီမံကိန်းက ထွက်ရှိလာတဲ့ ဓါတ်အားတွေကို မဟာဓါတ်အားလိုင်းနဲ့ ချိတ်ဆက် ပြီး ပြည်နယ်အတွင်းမှာ လျှပ်စစ်ဓါတ်အားဖြန့်ဖြူးနေပြီး တာပိန်(၁) စီမံကိန်းကထွက်တဲ့ ဓါတ်အားတွေထဲက ၁၉ ရာခိုင်နှုန်းကို ပြည်နယ်အတွင်းမှာ ဖြန့်ဖြူးနေသလို တရုတ်ပြည်ဘက်ကို တင်ပို့နေတယ်လို့လည်း သိရပါတယ်။

လျှပ်စစ်ဓါတ်အား မဂ္ဂါဝပ် ၆၀၀၀ ထွက်မယ့် ဧရာဝတီ မြစ်ဆုံစီမံကိန်းကို နိုင်ငံတော်သမ္မတ ဦးသိန်းစိန်အမိန့်နဲ့ ပြီးခဲ့တဲ့ ၂၀၁၁ခုနှစ် စက်တင်ဘာ ၃၀ ရက်နေ့မှာ ဆိုင်းငံ့ခဲ့တာဖြစ်ပါတယ်။