July 3, 2014 ya shani 9:30pm ten ram hta Manmaw kaw nna Myen hpyen Modo (5) hta hpyenla hpring hpring htaw nna lung wa ai hpyen hpung ni KIA Masat (5) Dap Ba Ginra Daw Hpum Yang kaw 1:30pm ten ram hta du shang wa sai lam shiga na chye lu ai, Modo (2) gaw Dingga de bai lai lung mat wa sai lam shiga matut na chye lu ai.July 3, 2014 ya shani 2:00am ten ram hta KIA Masat (2) Dap Ba npu Masat (11) Dap Dung ginra de Myen hpyen dap Hk-L-Y-(74) dap na Du "Teing Zaw Oo" Woi awn ai n-gun (150) grupyin hpyen hpung ni Modo (5) hte Myitkyina de du shang wa sai lam siga na chye lu ai, Mali Hka Mazup "Myit Sung" kaw wa dung na ni re lam shiga na chye lu ai.July 1, 2014 ya shani kaw nna Manmaw Ginwang KIA Masat (3) Dap Ba npu Masat (12) Dap Dung ginra Nam Ling Pa Ninghtawn Di Bu Hka mahkrai kaw Myen hpyen dap Hk-M-Y-(363) hpyen hpung n-gun (160) grupyin hpyen hpung ni bai wa dung nga sai lam shiga na chye lu ai.July 2, 2014 ya shani kaw nna Myitkyina-Laiza pru shang lam hpe Laiza makau Nam San Yang kaw dung ai Myen hpyen dap ni kawn tsep kawp pat kau sai lam shiga na chye lu ai, galoi du hkra pat na re hpe tup hkrak nchye lu shi ai. Laiza Muklum hte Laiza Gaiwang kata na mung mare masha ni a matu Myen Mung de na masha lang arung arai hte kaga malu masha ni hpe ndai lam Hku nna sha ginlen shalai ya nga ai re lam shiga na chye lu ai.
Myutsaw kasa
No comments:
Post a Comment